Во рамките на проектот Започни ја промената (Start the Change), се одржа Обука за обучувачи со учество на претставници од трите проектни организации: Македонски центар за граѓанско образование (МЦГО), Северна Македонија, Форум за слобода во образованието (FFE), Хрватска и ИНОВА +, Португалија. Обуките се одржаа онлајн двапати неделно во периодот од 16 јуни до 2 јули 2020 година. Учесници на обуките беа претставници од проектните организации и надворешни експерти.
Секоја организација се претстави со теми за обука кои беа презентирани од нејзините експерти. МЦГО учествуваше со тематски подрачја за интеркултурноста, медиумската писменост и учење од далечина. Презентациите беа инспиративни и се споделија значајни препораки и совети за понатамошна работа со наставниците од проектните училишта.
Проектот Започни ја промената е насочен кон поттикнување и промоција на ученичкото учество преку развивање на инклузивни социјални и образовни политики како и граѓански компетенции за активно вклучување на младите во заедницата.
